Almatyda «Arystan» bazary súrilip jatyr
ALMATY. KAZINFORM – «Aqsaı-4» shaǵyn aýdanynda jalpy kólemi 2000 sharshy metrden asatyn bazar sottyń sheshimimen súriledi.
Almaty ákimdiginiń málimetinshe, buryndary jospardan tys júrgizilgen tekserý barysynda «Arystan» bazarynyń bir bóligi esh ruqsat qujattarynsyz turǵyzylǵany anyqtalǵan. Sondyqtan «Fırma Tıgrohaýd» JShS menshik ıesine qatysty ákimshilik sharalar qabyldandy.
— Anyqtalǵan jaıttarǵa baılanysty basqarma aýdandyq sotqa zańsyz turǵyzylǵan bazar alańdaryn buzý týraly talap aryz joldaǵan edi. 2024 jylǵy 1 naýryzda sot aýdany bazardyń 2125,62 sharshy metr bolatyn bir bóligin buzý týraly sheshim shyǵardy. 2024 jylǵy 19 shildede Almaty qalalyq soty birinshi sheshimdi ózgerissiz qaldyrdy, — dep habarlady ákimdikten.
Qazirgi ýaqytta ádilet departamenti sot oryndaýshylarynyń qatysýymen súrý jumystaryn bastady.
Eske salaıyq, buǵan deıin Almatyda kóp jyl boıy qurylysy bitpegen nysandar qashan buzylatynyn jazǵanbyz.