Almatyda 15 myń turǵynnyń quqyǵy qorǵaldy

ALMATY. KAZINFORM — Almaty qalasynyń prokýratýrasy «Áleýmettik shıelenis oshaqtaryn joıý» jobasy aıasynda Aqsaı-1A shaǵynaýdanynyń turǵyndarynyń shaǵymy boıynsha keshendi sharalar qabyldady. Bul týraly prokýratýranyń baspasóz qyzmeti habarlady. 

Turǵyndar «Shkolnık» turǵyn úı kooperatıviniń áreketine qatysty shaǵym túsirgen.

— 2014 jyly kooperatıv tóraǵasy úıler janyndaǵy 1,7 gektar jer ýchaskesin zańsyz bólip, onyń birneshe bóligin úlestes tulǵalarǵa satqany anyqtaldy. Zańsyz satylǵan ýchaskilerdiń quny 300 mıllıon teńgeden asady. Osy jaǵdaı boıynsha asa iri mólsherdegi alaıaqtyq faktisi týraly qylmystyq is tirkeldi, jer qoldanysyna shekteý qoıyldy, kooperatıv qyzmetine aýdıt júrgizilip jatyr, — delingen aqparatta.

Sonymen qatar zańsyz jertóle jataqhanalary, antısanıtarııa, kommýnaldyq jelilerge óz betinshe qosylý boıynsha zań buzýshylyqtar anyqtaldy. 

Memlekettik organdarmen birlesip:

• 10 jataqhananyń qyzmeti toqtatyldy;
• sýmen jabdyqtaý jáne elektrmen jabdyqtaý jelilerine zańsyz qosylýdy toqtata otyryp, 14 nusqama engizildi;
• esepke alý aspaptary sáıkestendirildi.

Qabyldanǵan sharalar qylmystyń sanyn 50%, qoǵamdyq tártipke qarsy ákimshilik quqyq buzýshylyqtar sanyn 70% tómendetýge múmkindik berdi.

Osylaısha, shaǵynaýdandaǵy 15 myń turǵynnyń quqyǵy qorǵaldy. «Áleýmettik shıelenis oshaqtaryn joıý» jobasy qala boıynsha jalǵasady.

Aıta keteıik, Bas prokýratýra mas kúıde kólik basqarǵan sýdıany jaýapqa tartý týraly Prezıdentke usynym joldady.