Almatyda AHAJ qyzmetkeri jańa týǵan nárestelerdi satqan
Apellıatsııalyq sot jańa týǵan sábıler saýdasymen aınalysqan 7 tulǵaǵa qatysty úkimdi ózgerissiz qaldyrdy, dep habarlaıdy Kazinform.
Almatyda AHAJ mekemesiniń burynǵy qyzmetkeri A. qylmystyq top quryp, onyń quramyna S. jáne E. (jumyssyzdar) jáne belgisiz E. esimdi áıel kirgen.
«Qylmystyq toptyń maqsaty - jańa týǵan sábılerge qatysty satyp alý-satý jáne basqa da mámileler jasaý arqyly tabys tabý boldy. A.-nyń mindetterine qylmystyq topqa jalpy basshylyq jasaý, sondaı-aq týý týraly kýálikter jasaý kirdi. S., E. jáne belgisiz áıel E-niń mindetteri jańa týǵan sábılerinen bas tartýǵa daıyn adamdardy jáne jańa týǵan balalardy asyrap alýǵa nıet bildirgen adamdardy izdeý jáne kelissózder júrgizý, aqsha alý jáne keıinnen olardy A-ǵa berý bolǵan»,- dep habarlady sottan.
Іs boıynsha barlyǵy 12 jańa týǵan sábıge qatysty satyp alý-satý jáne syıǵa tartý mámileleri jasaldy.
Budan bólek, G., B., M. jáne N.-nyń árqaısysy jańa týǵan sábılerge qatysty satyp alý-satý mámileleriniń bir epızodyna qatysqany anyqtaldy. Alaıda olar qylmystyq topqa kirmegen.
Sonymen qatar, B.-ǵa alaıaqtyq jasady degen aıyp taǵylǵan, ıaǵnı jábirlenýshiniń atyna 1 000 000 teńgege jýyq somaǵa nesıeni alaıaqtyq rásimdeý arqyly aqsha jymqyrdy degen aıyp taǵyldy.
«Sondaı-aq, sot G. jáne B.-men birge turatyn tulǵalar jańa týǵan sábılerin satýdan óz erkimen bas tartqanyn anyqtady, biraq A. men belgisiz áıel E. olardy aldap, balany alyp, satyp jibergen. Qylmystyq qýdalaý organy balalarynan bas tartqan analarǵa jáne osy balalardy ózderi asyrap alý úshin satyp alǵan adamdarǵa qatysty sotqa deıingi tergeý barysynda QK-niń 65 baby boıynsha ókinish bildirgenderi úshin toqtatylǵanyn atap ótken jón»,- dep atap ótti vedomstvodan.
Sotta prokýror barlyq aıyptaý epızodtary boıynsha aıypkerlerdiń barlyǵyna 9 jyldan 16 jylǵa deıin bas bostandyqtarynan aıyrý jazasyn taǵaıyndaýdy surady.
Sot úkimimen A., S. jáne E. qylmystyq top quramynda kámeletke tolmaǵandarǵa qatysty mámileler jasasqany úshin taǵylǵan barlyq aıyptar boıynsha kináli dep tanylyp, A. – 14 jylǵa, S. jáne E. – árqaısysy 12 jyl merzimge bas bostandyqtarynan aıyryldy.
A. QK-niń 385 b.-nyń 1 jáne 2 b. boıynsha aıyp taǵylǵan 11 epızodtyń 6-sy boıynsha (qujattardy qoldan jasaý) qylmystyq quqyq buzýshylyq quramynyń dáleldenbegeni úshin aqtaldy.
G. jáne B. - QK-niń 135 babynyń, 2 bóligi, 1 tarmaǵy boıynsha kinásiz dep tanyldy jáne qylmystyq quqyq buzýshylyq quramynyń joqtyǵy úshin aqtaldy;
B. QK-niń 190 baby, 1 bólimi (onsha aýyr emes) boıynsha kináli dep tanylyp, 1 jyl bas bostandyǵyn shekteý túrindegi jaza taǵaıyndaldy, sondaı-aq jaza merziminde qamaýda ustaý merzimin esepke jatqyzý qaǵıdalaryna sáıkes ótelip qoıýyna baılanysty ony óteýden bosatyldy.
M. jáne N. - kináli dep tanyldy jáne QK-niń 65 baby boıynsha áreketti ókinish bildirgenderi úshin qylmystyq jaýapkershilikten bosatyldy.
Jergilikti bilim basqarmalaryna qoldanystaǵy zańnamaǵa sáıkes zańsyz asyrap alynǵan balalardyń taǵdyryn anyqtaý týraly jeke qaýly jiberildi.
