Almatyda 9 jastaǵy qyzǵa bir mezette úsh operatsııa jasaldy

ALMATY. KAZINFORM – 15-16 naýryz kúnderi Almatynyń №2 qalalyq balalar klınıkalyq aýrýhanasynda belgili reseılik hırýrgtar Maksım Vavılov pen Tımýr Tornonyń birigip «Mıkrohırýrgııa arqyly aıaq-qoldyń týa bitken jáne júre paıda bolǵan aqaýlaryn jedel emdeý» atty sheberlik dárisi ótti. Sonyń aıasynda sırek kezdesetin aıaq-qol patologııasy bar 8 qazaqstandyq balaǵa biregeı operatsııa jasady.

Almaty №2 qalalyq balalar klınıkalyq aýrýhanasynyń dırektory Marat Rabandııarovtyń aıtýynsha, dáris aıasynda 60 bala tekseristen ótip, olarǵa em-dom taǵaıyndaldy, 8 balaǵa ota jasaldy. 

Qonaev qalasynyń turǵyny 9 jastaǵy Adınaǵa bir mezette eki dárigerler brıgadasy aıaqqa, qolǵa jáne moıyn súıegine úsh birdeı operatsııa jasady. Naýqasqa «oń jaq gemıparez, tserebraldy sal aýrýy» dıagnoz qoıylǵan. 

«Bala josparly túrde qabyldandy, otadan 4 kún buryn qyz oń ıyǵymen qulaǵan. Olar turǵylyqty jeri boıynsha travmatıkalyq pýnktke júginip, oǵan oń jaq buǵanasynyń ortańǵy úshten bir bóliginiń jabyq synýy degen dıagnoz qoıyldy. Dezo gıpsi qoldanylady. Osyǵan baılanysty oń qolǵa ota jasaý máselesi týyndady. Tekserýden keıin eki dáriger toby bir ýaqytta aıaqqa, buǵanaǵa, jilinshikke jáne saýsaqqa birlesken «sımýltantty» ota jasaý týraly sheshim qabyldady: oń jaq buǵananyń jabyq osteosıntezi, shyntaq jiliktik júıkeniń qozǵaltqysh talshyqtarynyń selektıvti neırotomııasy; sińirlerdiń transpozıtsııasy; oń jaq asyqasty býynynyń artroerezi, - dedi Almaty №2 QBKA travmatolog dárigeri Uljan Soltanbekova. 

Qazir Adınanyń jaǵdaıy jaqsy, táýir bolyp qaldy.

Osy sheberlik dárisi aıasynda jasalǵan operatsııalarda kúrdeli mıkrohırýrgııalyq tásil qoldanyldy.

«Mıkrohırýrgtardyń mıssııasy, oǵan birden júginýdiń qajeti joq, ol basqa ádister kómektespegen kezde qoldanylady. Jaraqattan keıin aqaýlar bar, olardyń barlyq ortopedi men travmatology kez kelgen tásilmen jabýǵa tyrysady, jergilikti tindermen tartady, bul «bos teri plastıkasy» nemese «qaıtalama jazylý» dep atalady. Eger eshteńe kómektespese, onda siz bos teri kesindisi arqyly emdep, qan tamyr aınalasyn tigýińiz kerek. Bul rette, eshteńeni jaraqattamaý degen aýyr mindet tur», - dedi hırýrg Tımýr Torno. 

Aıta ketetin jáıt, barlyq em-dom tegin júrgizildi.