Almatyda 8 keli metamfetamın tárkilenip, kúdikti qamaýǵa alyndy
ALMATY. KAZINFORM — Bıyl qańtarda Ulttyq qaýipsizdik komıteti shet memlekettiń quzyretti organdarymen birlese halyqaralyq esirtkige qarsy operatsııany júzege asyrdy. Bul týraly UQK baspasóz qyzmeti málim etti.
Birlesken áreketterdiń nátıjesinde Almaty qalasynda 8 kg sıntetıkalyq «metamfetamın» zatyn alý kezinde Qazaqstan azamaty ustaldy.
Atalǵan fakti boıynsha Qylmystyq kodekstiń 297-babynyń 3-bóligi boıynsha sotqa deıingi tergep-tekserý júrgizilip jatyr.
Sot sanktsııasymen ustalǵan adamǵa qatysty «qamaýda ustaý» bultartpaý sharasy qoldanyldy.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Aıta keteıik, buǵan deıin UQK men ІІM birlesken operatsııasy nátıjesinde qylmystyq toptyń 20 múshesi qolǵa túsken edi.