Almatyda 7 mln teńge aıyppuly bar kólik júrgizýshisi ustaldy
ALMATY. KAZINFORM — Almatyda 37 mln teńge kóleminde aıyppul salynǵan kólikter anyqtaldy.
Almaty Polıtsııa departamentiniń málimetinshe, aıyppul tólemegender tiziminde shetelde tirkelgen Mercedes-Benz kóliginiń júrgizýshisi kósh bastap tur. Ol 7 mln teńgeden astam somaǵa jol qozǵalysy erejesin buzǵan. Alaıda aıyppulynyń eshqaısysyn tólemegen.
«Quqyq buzýshylyqqa «múldem tózbeýshilik» qaǵıdattaryn jáne quqyq buzýshylyqtar úshin jazanyń bultartpastyǵyn qamtamasyz etý maqsatynda Almaty polıtsııasy turaqty negizde reıd ótikizip otyrady. Shara barysynda 37 mln teńge kóleminde aıyppul salynǵan kólikter anyqtaldy», — dep habarlady vedomstvodan.
Quqyq buzýshylardyń kóligi arnaıy aıyppul turaǵyna qoıyldy.
«Qazaqstan Respýblıkasynyń Ákimshilik quqyq buzýshylyq týraly kodeksine sáıkes kelgen jeri boıynsha tárkileý týraly hattama toltyryldy. Kólikti aıyppul turaǵynan bosatý tek aıyppuldy tolyq ótegennen keıin ǵana júzege asyrylady», — dep málimdedi jergilikti polıtsııa qyzmetiniń jedel izdestirý bóliminen.
Buǵan deıin Almatyda jol erejesin buzyp, 7 mıllıon aıyppul jınaǵan 19 jastaǵy júrgizýshi ustalǵanyn habarlaǵan edik.
