Almatyda 6 jasar balany urǵan burynǵy qoǵamdyq keńes múshesi jazalandy

ALMATY. KAZINFORM — Medeý aýdandyq soty 6 jasar balany eki ret urǵany úshin aıyptalǵan burynǵy qoǵamdyq keńes múshesiniń isin qarady.

Bul týraly advokat Janna Ýrazbahova áleýmettik jelide jazdy. 

Onyń aıtýynsha, aıyptalýshy kinásin moıyndamaǵan. Sot jınalǵan dálelder men sarapshylardyń qorytyndylaryna súıene otyryp, ony kináli dep tanydy.

Sot úkimimen oǵan 100 saǵat qoǵamdyq jumys jazasy taǵaıyndaldy. Odan bólek jábirlenýshi taraptyń talap-aryzdary qanaǵattandyrylyp, sottalǵan adamnan advokat qyzmeti men medıtsınalyq tekserý shyǵyndary óndirildi.

Eske salaıyq, Almatyda 6 jasar balany urǵan kúdiktige qatysty is qozǵaldy.

Keıin qoǵamdyq keńestiń burynǵy múshesiniń isi sotqa joldandy.