Almatyda 6 jasar bala úıdiń shatyrynan qulap mert boldy

Almaty qalasynda oınap júrgen bala turǵyn úıdiń shatyrynan qulap mert boldy, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.

«Bostandyq aýdandyq polıtsııa basqarmasynda 2017 jyly týǵan balanyń ólimi boıynsha Qylmystyq kodekstiń 140-baby 2 bóligimen qylmystyq is tirkeldi. Tergeý amaldary júrgizilip jatyr» delingen habarlamada.

Sondaı-aq, Almaty polıtsııasy oqıǵanyń mán-jaıy anyqtalyp jatqanyn jetkizdi.

Aıta ketsek, keıbir BAQ jazǵandaı bala turǵyn úıdiń shatyrynan qulap mert bolǵan.

Eske sala ketsek, elordada balalarǵa qatysty birneshe qaıǵyly fakti boldy.

21 qyrkúıekte Astanada oqýshy joǵarǵy qabattan sekirip mert bolǵan edi. 

Aqparatta aıtylǵandaı, 2023 jylǵy 20 qyrkúıekte Astana qalasyndaǵy kópqabatty úılerdiń biriniń aýlasynan jasóspirimniń máıiti tabylǵan.

Odan bólek, 25 qyrkúıekte Astana qalasyndaǵy №14 mektep-gımnazııanyń oqýshysy ekinshi qabatqa kóterilip bara jatyp baspaldaqtan qulap ketken bolatyn.  

Balanyń aıtýynsha, ony synyptasy ıterip jibergen.

Oqıǵa ornyna shuǵyl túrde jedel járdem shaqyryldy. Qazirgi ýaqytta bala aýrýhanada em alyp jatyr.