Almatyda 5 myńǵa jýyq qyz APV-ǵa qarsy vaktsına aldy

ALMATY. KAZINFORM — Almaty qalasy mektepteriniń medıtsınalyq kabınetterinde 30 qyrkúıekten bastap 11 jastaǵy qyzdarǵa APV-ǵa qarsy josparly vaktsınatsııalaý, sondaı-aq 12, 13 jastaǵy qyzdarǵa vaktsınatsııa júrgizilip jatyr.

Almaty qalasy sanıtarııalyq-epıdemıologııalyq baqylaý departamentiniń málimetine sáıkes, qala boıynsha APV-ǵa qarsy birinshi dozamen barlyǵy 4682 qyz vaktsınatsııalanǵan, onyń ishinde 11 jasta — 1909 jáne 12-13 jasta — 2773 qyz vaktsınatsııalandy.

— Vaktsınatsııalaýǵa ruqsaty bar medıtsına qyzmetkerleri, egiletin adamdardy qarap-tekserýden ótkizip, vaktsınatsııalaýdy júrgizýge ata-anasynan ne zańdy ókilderinen kelisim alǵannan keıin júrgizedi. APV-ǵa qarsy vaktsınatsııa Dúnıejúzilik densaýlyq saqtaý uıymynda sertıfıkattalǵan, 6 aı aralyǵymen 2 dozadan turatyn, Qazaqstan Respýblıkasynda tirkelgen AQSh-tyń 4 valentti «Gardasıl» vaktsınasyn qoldanady. Bul vaktsına APV 6, 11, 16 jáne 18 túrlerinen qorǵaıdy. Vaktsınada tiri vırýstar joq, ınfektsııany týdyrmaıdy jáne reprodýktıvti fýnktsııaǵa áser etpeıdi, — dedi Almaty qalasynyń sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova.

Eske salaıyq, buǵan deıin SQO-da adam papıllomasy vırýsyna qarsy 1,1 myń qyzǵa vaktsına egilgenin jazǵanbyz.