Almatyda 2 maýsymnan bastap Saıran kóline sý toltyrylady
ALMATY. KAZINFORM – Saıran kólinde qaıta jańǵyrtý jobasy boıynsha negizgi qurylys-montajdaý jumystary aıaqtaldy.
Almaty ákimdiginiń málimetinshe, qurylys jumystaryn «Pavlodar ózen porty» AQ merdiger uıymy júrgizdi.
Qazir ınjenerlik jeliler (sýarý, sýmen jabdyqtaý, elektrmen jabdyqtaý jáne syrtqy jaryqtandyrý júıeleri) salynyp, kól jaǵalaýy nyǵaıtylǵan jáne bóget salynǵan. Al kógaldandyrý jumystary aıasynda 3 400-den astam aǵash, 15 000-ǵa jýyq buta men gúlzar otyrǵyzylǵan. Jalpy kógaldandyrylǵan aýmaqtyń kólemi - 261 myń sharshy metr.
– Joba qazir sońǵy satyǵa ótti. Bul kezeńde jaǵajaı aımaǵyn retke keltirý, trotýar plıtalary men asfalt tóseý, shaǵyn arhıtektýralyq pishinderdi ornatý jumystary júrgizilip jatyr, - dep habarlady qala ákimdiginen.
Merdiger uıym barlyq daıyndyq sharalaryn aıaqtaǵannan keıin kóldi sýmen toltyrýdy bastaıdy. Sý toltyrý protsesi de kezeńderge bólinip júzege asyrylady.
– 2 maýsymda sý toltyrýdy bastaımyz. Bastapqy kezeńde 50 paıyz kóleminde sý toltyrylady. Sol arqyly sýdyń aǵyny men kólemin jáne júıelerdiń jumysyn baqylap kóremiz. Barlyǵy oıdaǵydaı bolsa ary qaraı tolyq toltyrý kezeńine ótemiz, – dedi merdiger uıymnyń ókili Rınat Zilmuhamedov.
Jobanyń sońǵy kezeńinde merdiger uıym atqaratyn jaǵajaı aımaǵynyń qaýipsizdigin tekserý, sýarý júıesin tolyq retke keltirý, usaq aqaýlardy joıý jáne landshaftty jumystardy tolyq aıaqtaý syndy qosymsha mindetteri bar. Qaıta jańǵyrtylǵan Saıran kóli barlyq qajetti synaqtar men sý toltyrý jumystaryn aıaqtaǵannan keıin qala turǵyndarynyń ıgiligine beriletin bolady.
Eske salaıyq, buǵan deıin Saıran kóliniń jaǵalaýyn abattandyrý jumystary 90 paıyzǵa oryndalǵanyn jazǵanbyz.