Almatyda 16 myńnan astam adam alıment tólemeı qashyp júr
Almatyda alıment tóleýden jaltaryp júrgen 16 myńnan astam boryshker bar. Bul týraly óńirlik kommýnıkatsııalar qyzmetindegi baspasóz máslıhatynda qalalyq ádilet departamentiniń bólim basshysy Ánýar Jeksekov aıtty, dep habarlaıdy QazAqparat tilshisi.
«Qazirgi ýaqytta Almaty qalasy sot oryndaýshylarynyń oryndaýynda alıment óndirip alý jónindegi 16 myńnan astam is bar. Onyń 60%-dan astamy merzimdi óndirip alý barysynda»,- deıdi spıker.
Aıtýynsha, osy jyly 78 boryshker ákimshilik, 4 adam qylmystyq jaýapkershilikke tartyldy, sot oryndaýshylarynyń 4 usynysy anyqtaý organdarynyń qaraýynda.
«Boryshkerler 50 mln teńgeden astam bereshek tóledi», - dedi Ánýar Jeksekov.
Sondaı –aq ol bıyl sot oryndaýshylar bereshekti óteý esebinen 3 jyljymaıtyn múlik, 7 jyljymaly múlik satty, sol arqyly 20 mln teńgeden astam bereshek ótelgenin jetkizdi.
«Sonymen qatar, bıyl alıment óndirýge áreket etpegen 8 jeke sot oryndaýshysyn lıtsenzııasynan aıyrý týraly usynys jiberildi, 4 sot oryndaýshysy lıtsenzııadan aıyryldy, tórteýi sot qaraýynda»,- dep atap ótti departament ókili.
