Almatyda 14 myńnan astam turǵynnyń gaz tarıfi tómendetildi

ALMATY. KAZINFORM - Almatyda monopolıstke 65 mln teńge mólsherinde aıyppul salyndy. Almaty qalasy prokýratýrasy turaqty túrde «Tabıǵı monopolııalar týraly» QR Zańynyń talaptarynyń jeke mekemelerimen saqtalýyna monıtorıng júrgizip otyrady.

«Kezekti tekserý nátıjesi boıynsha Aýezov aýdanynyń prokýratýrasy jeke kompanııanyń is-áreketinde gazben jabdyqtaý jelilerine qosylý kezinde tutynýshylardyń qarajaty esebinen ınvestıtsııalardy proportsıonaldy emes óteý arqyly ústemaqysyn teris paıdalaný faktisi anyqtaldy»,- dep habarlady vedomstvodan.

Sondaı-aq, tabıǵı monopolııalar salasyndaǵy ýákiletti organ bekitken tarıften asyp ketý anyqtalyp, negizsiz kiris alynǵan.

«Prokýrorlyq qadaǵalaý aktisin qaraý nátıjesinde kásipkerlik sýbektisi QR ÁQBtK-niń 159 jáne 164-babtary boıynsha jalpy somasy 65 mıllıon teńgeden astam ákimshilik aıyppul salyndy, sondaı-aq, 14 myńnan astam tutynýshynyń quqyqtaryn qalpyna keltirý ótemaqy tarıfin engizý týraly ýákiletti organǵa tapsyrma berildi»,- dep atap ótti Almaty qalasy prokýratýrasy.