Almatyda iri kólemde esirtki tasymaldaǵan top ustaldy
ALMATY. KAZINFORM — Almaty qalasynda 10 keliden astam esirtki tárkilendi. Basqa óńirden ákelingen tyıym salynǵan zat taratýǵa daıyndalǵan. Bul týraly ІІM baspasóz qyzmeti habarlady.
Almaty qalasy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalary barysynda kannabıstik topqa tıesili esirtki zattaryn asa iri kólemde tasymaldaýmen, saqtaýmen jáne ótkizýmen aınalysqan qylmystyq áreketti toqtatty.
Arnaıy operatsııa nátıjesinde zańsyz aınalymnan 10 keliden astam gashısh tárkilendi. Esirtki quraldary elimizdiń basqa óńirinen Almaty qalasyna jetkizilip, megapolıs aýmaǵynda taratylýy josparlanǵan.
Atalǵan derek boıynsha kúdiktilerge qatysty qylmystyq is qozǵalyp, olar ýaqytsha ustaý ızolıatoryna qamaldy. Qazirgi ýaqytta tergeý amaldary jalǵasyp jatyr.
— Bul nátıjeler polıtsııanyń esirtki jetkizý arnalarynyń jolyn kesýge baǵyttalǵan júıeli ári josparly jumysynyń aıǵaǵy. Bizdiń basty maqsatymyz — tyıym salynǵan zattardyń jastar men qala turǵyndary arasynda taralýyna jol bermeý. Bul baǵyttaǵy jumys memleket basshylyǵy aıqyndaǵan profılaktıkalyq basymdyqtar men «Zań men tártip» qaǵıdaty aıasynda aldaǵy ýaqytta da jalǵasyn tabady, — dedi Almaty qalasy polıtsııa departamentiniń esirtki qylmysyna qarsy is-qımyl basqarmasynyń bastyǵy Murat Jumabaev.
Aıta keteıik, Qaraǵandyda esirtki taratýmen aınalysqan 19 jastaǵy turǵyn ustaldy.