Almatyda 1 aptada taǵy 500 moped tirkeldi
ALMATY. KAZINFORM - Almatyda mopedterdi tirkeý naýqany júrip jatyr.
Búginge deıin qalada 2,5 myńnan astam moped tirkelip, kólik quralynyń ıeleri tirkeý nómiri men tehnıkalyq tólqujattardy aldy.
- 2025 jyldyń 5 sáýirinen bastap tirkelmegen mopedterdi paıdalanýǵa tyıym salynady. Tirkeýden ótpegen júrgizýshilerge aıyppul salynyp, kólikteri aıyppul turaǵyna qoıylatyn bolady. Tirkelý úshin mamandandyrylǵan halyqqa qyzmet kórsetý ortalyǵyna baryp, jeke kýálik pen mopedtiń tehnıkalyq sıpattamasyn usyný qajet. Ótinim berilgennen keıin kólik quraly mindetti tekserýden ótedi. Sondaı-aq tirkeý úshin alynatyn memlekettik bajdy tóleý qajet, - dedi Almaty qalasy ákimshilik polıtsııa basqarmasynyń ókili Aıdyn Merkimbaev.
Eske salaıyq, 20 qańtar kúni Almatyda alǵashqy moped tirkelip, nómir alǵanyn jazǵanbyz.
Bir apta buryn Almaty tirkelgen moped sany 2 myń boldy.