Almaty zoobaǵyn basqa qalaǵa kóshire me
ALMATY. KAZINFORM — Almaty zoobaǵyn basqa qalaǵa kóshirý josparda joq. Bul týraly mádenıet basqarmasy málim etti.
Osyǵan deıin Almaty zoobaǵy Alataý qalasynyń aýmaǵyna kóshiriletini týraly aqparat paıda bolǵan edi.
Almaty qalalyq mádenıet basqarmasy zoobaq jumysyn burynǵy jerde jalǵastyryp jatqanyn jáne basqa qalaǵa kóshirý josparda joq ekenin málimdedi.
— Almaty qalasynyń aýmaǵyn damytý jospary aıasynda zoobaq halyqaralyq standarttarǵa sáıkes zoogeografııalyq qaǵıda boıynsha jańǵyrtý men rekonstrýktsııalaý kózdelgen. Bıyl jobalaý-smetalyq qujattamany ázirleý boıynsha baıqaý jarııalaý josparlanǵan. Rekonstrýktsııalaý jumystary kezeń-kezeńimen 2028 jylǵa deıin júzege asyrylady, - dep habarlady basqarmadan.
Josparlanǵan jańǵyrtý jumystary aıasynda júrgiziletin jumystar janýarlardy ustaý jaǵdaıyn aıtarlyqtaı jaqsartyp, haıýanattar baǵyna kelýshiler úshin jaılylyq deńgeıin arttyrýǵa múmkindik beredi.
Osyǵan deıin Almaty zoobaǵynda shırek ǵasyr ómir súrgen Han esimdi keriktiń kóz jumǵany týraly jazǵan edik.