Almatyda tirkelgen moped sany 5 myńnan asty

ALMATY. KAZINFORM - Almatyda bir kúnde 400-den astam moped tirkeldi. 

мопед
Фото: Мақсат Шағырбай/Kazinform

Keshe Almatyda 4 807 moped tirkelgen edi. Búgin olardyń sany 5 276 boldy. Bir kúnde megapolıste 469 moped memlekettik nómer aldy. Degenmen, Almaty qalasynyń Polıtsııa departamenti áli de tirkelmegen kólik quraldarynyń ıelerine eskertý jasady. 

— Kampanııanyń aıaqtalýyna 7 kún qaldy. 5 sáýirden bastap tirkelmegen mopedter aıyp turaǵyna qoıylady, al olardyń ıeleri Qazaqstan Respýblıkasynyń ákimshilik zańnamasyna sáıkes jaýapkershilikke tartylady, - dep habarlady departamentten. 

Eske salaıyq, 20 qańtar kúni Almatyda alǵashqy moped tirkelip, nómir alǵanyn habarlaǵanbyz. 

Sondaı-aq 5 sáýirden keıin mopedterin tirkemegenderge qandaı jaýapkershilik kózdelgenin jazǵan edik.  

Сейчас читают