Almaty taýlarynda úsh kún baılanyssyz qalǵan týrıst qutqaryldy
ASTANA. KAZINFORM — 20 mamyr kúni týrıst Shymbulaq jaqtan taýǵa shyǵyp, eki kúnnen keıin oralýy tıis bolǵan.
Belgilengen ýaqytta baılanysqa shyqpaǵan ári telefony qoljetimsiz bolǵan soń, jaqyndary dabyl qaqqan.
Іzdestirý jumystaryna QR TJM «Barys» respýblıkalyq jedel-qutqarý jasaǵy men Almaty qalasy TJD Qutqarý qyzmetiniń mamandary shuǵyl attandy. Qutqarýshylar 3200 metr bıiktikke kóterilip, Shymbulaq shyńy baǵytyna qaraı betkeılerdi jaıaý tekserdi.
Baǵytty tekserý barysynda joǵalǵan er adam tabyldy. Oǵan medıtsınalyq kómek qajet bolǵan joq. Qutqarýshylar ony «Medeý» bıik taýly muz aıdynyna deıin qaýipsiz túsirip, jaqyndaryna tabystaldy.
Aıta ketelik Kókshetaýda qutqarýshylar aqaýy bar paromdaǵy 25 adamdy evakýatsııalaǵan edi.
