Almaty taýlarynda qatty jel soǵady

ALMATY. KAZINFORM — Almaty qalasynyń tótenshe jaǵdaılar departamenti Qazgıdromettiń daýyldy eskertýiniń negizinde 29 naýryzda Almaty qalasynyń taýly aımaqtarynda qatty jel soǵatynyn eskertti.

«Taýly aımaqtarda batys jaqtan qatty jel soǵyp, jel ekpini sekýndyna 22-28 metre deıin jetedi. Qatty jaýyn-shashyn (qar, jańbyr) nemese qatty jel, daýyl týraly eskertý jarııalanǵan jaǵdaıda, taýly aımaqqa barýdy keıinge qaldyrǵan durys», — dep eskertti qutqarýshylar.

Almaty qalasy TJD-nyń málimetinshe, eger taýda bolsańyz, muqııat bolyp, aýa-raıynyń ózgerýin qadaǵalaǵan jón.

Úıge qaıtýdy táýliktiń keshki ýaqytyna qaldyrmaý kerek, sebebi, keri baǵytty taba almaýyńyz múmkin.

Rıýkzaktarda kelesideı qajetti zattar bolýy tıis: jyly kıimder, kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.

Eske salaıyq, Almatyda keshe keshki ýaqytta jel kúsheıip, shańdy daýyl turdy. Daýyldyń arty jańbyrǵa ulasty.

Almaty halyqaralyq áýejaıynda qolaısyz aýa raıyna baılanysty reıster keshikti. 

Sondaı-aq naızaǵaı saldarynan Almatyda jer úı órtendi. 

Almatylyq qutqarýshylar men kommýnaldyq qyzmetter kúsheıtilgen qyzmetke kóshti. 

Sondaı-aq, Almatyda úılerdiń aýlalary men kósherlerdi sý basqanyn habarlaǵanbyz.