Almaty taýlarynda qar kóshkini júrýi múmkin

ALMATY. KAZINFORM – Almaty taýlarynda qar kóshkini júrý qaýpine baılanysty oblystyń tótenshe jaǵdaılar departamenti eskertý jarııalady.

Almaty oblysy TJD-nyń málimetinshe, Almaty oblysynyń taýlarynda 26-28 naýryz kúnderi qar kóshkini júrý qaýpi saqtalady.

TJD azamattardan, týrısterden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, taýly jerlerde barlyq qaýipsizdik sharasyn saqtaýǵa shaqyrdy.

Aıtý kerek, Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady.

Eske salaıyq, Almatydaǵy «Pioneer» taý shańǵy kýrortynyń mańynda qar kóshkini júrgenin habarlaǵanbyz. 

Sondaı-aq Tótenshe jaǵdaılar mınıstrligi Almaty mańynda kóshkin qaýpiniń joǵary deńgeıin jarııalady. Osyǵan baılanysty kóshkin qaýpi bar aımaqqa kirýdi shekteý úshin Úlken Almaty ózeniniń basseınindegi Aıýsaıda (vızıt ortalyǵy), Kishi Almaty ózeni tusyndaǵy «Edelveıste» jáne Shymbulaqta blokbeketter qoıyldy.