Almaty taýlarynda baıkerlerdi sabaǵan shopandarǵa sot úkimi shyqty

QONAEV. KAZINFORM – Qarasaı aýdandyq soty 15 shilde kúni Almaty oblysynyń taýlarynda mototsıkl júrgizýshilerin qamshymen sabap, myltyq kezegen bir top azamatqa qatysty sheshim shyǵardy.

Almaty oblysy Qarasaı aýdandyq sotynda toptyq buzaqylyq (QK-niń 293-baby 3-tarmaǵy boıynsha) jasady degen kúdikpen aıyptaýshylar N., O., A.-ǵa qatysty Qarasaı aýdany polıtsııa basqarmasynyń «qamaýda ustaý» túrindegi bultartpaý sharasyn sanktsııalaý týraly ótinishhaty qaraldy.

Іs boıynsha jábirlenýshi sot otyrysynda qazirgi ýaqytta kúdiktilermen tatýlasqanyn kórsetip, olardy qoǵamnan oqshaýlamaıtyn bultartpaý sharasyn qoldanýdy suraǵan.

- Sot QPK-niń 55, 146-148-baptarynyń normalaryn eskere otyryp, «qamaýda ustaý» túrindegi bultartpaý sharasyn sanktsııalaý úshin negizderdiń bolmaýyna baılanysty atalǵan bultartpaý sharasyn sanktsııalaý týraly ótinishhatty qanaǵattandyrýdan bas tartty jáne «eshqaıda ketpeý jáne tıisti minez-qulqy týraly qolhat» túrindegi bultartpaý sharasyn tańdady, - delingen sot habarlamasynda.

Qaýly zańdy kúshine engen joq.

Eske salaıyq, 15 shildede Almaty taýlarynda bir top azamat baıkerlerge myltyq kezep, qamshymen sabaǵan edi.

16 shilde kúni polıtsııa qyzmetkerleri aıyptalýshylardy ustady.