Almaty oblysynyń taýlarynda týrıst adasyp ketti

QONAEV. KAZINFORM — Almaty oblysynyń taýly aýmaǵynda Tótenshe jaǵdaılar mınıstrliginiń qutqarýshylary baǵytynan jańylǵan týrısti izdeý operatsııasyn júrgizdi, dep habarlaıdy Kazinform.

Qutqarý toby jaqynda qaıta ashylǵan «Medeý» beketinen shyqty, beket jumysy TJ mınıstriniń tapsyrmasymen qaıta jandanǵan.

Qutqarýshylar avtokólikpen Kımasar shatqalyndaǵy kópirge deıin jetip, odan ári 3053 metr bıiktikte ornalasqan Fýrmanov shyńyna qaraı jaıaý kóterildi.

TJM málimetinshe, izdestirý jumystary qatty jańbyr, qalyń tuman jáne nashar kóriný sııaqty qolaısyz aýa raıyna baılanysty kúrdeli boldy. Soǵan qaramastan, qutqarýshylar jas jigitti tez taýyp, alǵashqy kómek kórsetip, ony qaýipsiz jaǵdaıda eldi mekenge jetkizdi.

Týrıstiń densaýlyǵyna medıtsınalyq kómek qajet bolmady.

Qutqarylǵan azamat keıin qutqarýshylarǵa alǵys bildirip, beıneúndeý joldady.

Buǵan deıin Almaty oblysynda atys bolǵany habarlandy.