Almaty oblysynyń egis alqabynda qara qurt qaptady
ALMATY. KAZINFORM - Almaty oblysy Kegen aýdany Qarabulaq eldimekeninde qara qurt qaptady. Qazir jaıylymdy jaılaǵan zııankestermen kúres júrip jatyr.
Almaty oblysy ákimdiginen málim etkendeı, Qarabulaq aýyldyq okrýgi Aqaı Núsipbekov aýylyndaǵy egis alqabyna jaıylǵan shytyrgúldilerdiń japyraq jemiri atalatyn qurtty joıý jumystary júrip jatyr.
Aǵanas jazyǵyndaǵy alqapqa oblystyq aýmaqtyq ınspektsııasy basshysynyń orynbasary Darhan Káribaıuly, Ósimdikterdi qorǵaý jáne karantın ǵylymı zertteý ınstıtýtynyń entomology Іzbasar Isataıuly keldi.
Mamandardyń sózinshe, qaptap ketken qara qurttyń ekonomıkalyq zııandy shektik deńgeıden asypa ketken.
Kegen aýdanynyń ákimi Nurbaqyt Teńizbaev sharýalarmen kezdesip, aýdannan ákelingen dári búrkkish qurylǵylar men arnaıy qorǵanysh kıimderdi tabystady.
Aýyldaǵy 137 sharýa qojalyq jınalyp , ýlaý sharalaryn júrgizdi.
Úsh kúnnen bergi tynymsyz eńbek óz nátıjesin bere bastady.
Jeti gektar aımaqqa «BI-58» preparaty sebildi.
