Almaty oblysynda jylýsyz qalǵan turǵyn úıge jylý berildi

Almaty oblysy Kegen aýdanynda ornalasqan kópqabatty turǵyn úıdiń ishindegi pesh jarylyp, turǵyndar jylýsyz qalǵan, dep habarlaıdy Kazinform.

Almaty oblysy ákimdiginiń málimetinshe, 9 jeltoqsan kúni Kegen aýdany, Kegen aýylyndaǵy Parkovaıa kóshesinde ornalasqan tórt qabatty úıdiń ishinde ornalasqan «BURAN boiler» peshi jarylǵan. Saldarynan 32 páterli turǵyn úıde turatyn 82 adam jylýsyz qaldy.

Kópqabatty turǵyn úıdiń peshin qalpyna keltirý jumystary dereý qolǵa alyndy. Peshti qalpyna keltirý jumystaryna TREKOL, GAZ-66 «Kýng», Kamaz ATs 8-70, Ýral 5.5-40, Zıl 2.5-40, Kamaz bazasyndaǵy vahtalaý, kóp maqsatty órt sóndirý kóligi (APM), Toyota Hilux jáne ÝAZ tehnıkalary jumyldyryldy. Nátıjesinde kópqabatty turǵyn úıdiń turǵyndaryna pesh aýysqanǵa deıin qosymsha jylýmen qamtamasyz etildi.

«Qazirgi ýaqytta Almaty qalasynan turǵyn úıge qýattylyǵy 270 kvt bolatyn qatty otynmen jylytatyn KT-270 markaly pesh satylyp alynyp, arnaıy mamandandyrylǵan brıgadanyń kómegimen montajdaý jumystary tolyq aıaqtalyp (10 jeltoqsan saǵat 17:00–de) turǵyn úıge shtattyq rejımde jylý berildi», - dep habarlady ákimdiktiń baspasóz qyzmeti.

Turǵyndary oblys, aýdan ákimdikterine, tótenshe jaǵdaı departamentine alǵystaryn bildirdi.