Almaty oblysynda izdeýde júrgen asa qaýipti kúdikti ustaldy

4 qarasha kúni Almaty oblysy PD ekstremızmge qarsy kúres basqarmasynyń qyzmetkerleri Qonaev qalasynda "Quqyqtyq tártip" jedel-aldyn alý is-sharasy barysynda 1991 jylǵy K. esimdi azamatty ustady, dep habarlaıdy Kazinform QR ІІM baspasóz qyzmetine silteme jasap. 

Jedel aqparat boıynsha ustalǵan adam QR QK 194 - babynyń 4-bóligi (Bopsalaý) boıynsha Jambyl oblysynyń PD bastamasymen memleketaralyq izdeýde bolǵan.

Kúdikti - destrýktıvti dinı aǵymnyń jaqtaýshysy. Tintý kezinde odan dinı ádebıetter, qalta pyshaǵy men balta tabyldy.

Qazirgi ýaqytta ustalǵan adamnyń oblys aýmaǵyndaǵy basqa da osyǵan uqsas qylmystarǵa qatystylyǵyn anyqtaý boıynsha barlyq qajetti tergeý is-sharalary júrgizilýde. QR QPK 201-baby sheńberinde ózge aqparat jarııa etýge jatpaıdy.