Almaty oblysynda sý qubyry jaryldy

Almaty oblysynyń Qarǵaly aýylynda sý qubyry jarylyp, turǵyndar aýyzsýsyz qaldy, dep habarlaıdy Kazinform. 

Oqıǵanyń vıdeosy áleýmettik jelide tarady. Almaty oblysy ákimdiginiń málimetinshe, Qarǵaly aýyldyq okrýgine qarasty Jeńis saıajaıyn aýyzsýmen qamtamasyz etetin sý qubyrynda aqaý shyqqan.

«Jóndeý jumystaryn júrgizý úshin tańǵy saǵat 9-da Qarǵaly aýylyndaǵy barlyq abonentterge sý berý óshirildi. «BeyAzh Trans» kompanııasynyń qyzmetkerleri qubyrdy aýystyryp jatyr. Jumysty saǵat 12-ge deıin aıaqtaý josparda», - dep túsindirdi oblys ákimdiginiń baspasóz qyzmeti.