Almaty oblysynda plastıkalyq tereze shyǵaratyn tseh órtendi

QONAEV. KAZINFORM – Almaty oblysy Talǵar aýdanynda plastık terezeler shyǵaratyn tseh órtendi.

Almaty qalalyq tótenshe jaǵdaılar departamentiniń málimetinshe, búgin Talǵar aýdanynda plastıkalyq terezeler shyǵaratyn tseh otqa orandy. Órt 78 sharshy metr aýmaqty sharpyǵan. 

«Órt tolyǵymen joıyldy. Zardap shekkender joq. Órttiń sebebi anyqtalyp jatyr», - dep habarlady departamentten. 

Órtti sóndirýge TJD jeke quramynan 7 adam jáne 2 tehnıka jumyldyryldy.

Buǵan deıin Astanada qoıma órtengen bolatyn. Onda rezeńke buıymdar janǵan edi. Órt aýmaǵy shamamen 1 000 sharshy metrge jaıyldy.