Almaty oblysynda páteri órtenip ketken 8 turǵyn úıli boldy
Almaty oblysy Zarechnyı aýylynda páteri órtenip ketken 8 turǵyn qonys toıyn toılady, dep habarlaıdy Kazinform.
Qonaev qalasy ákimdiginiń baspasóz qyzmeti taratqan málimet boıynsha memleket jáne qoǵam qaıratkeri Dinmuhamed Qonaevtyń týǵan kúni qarsańynda páterler kiltin tabystaý rásimi ótti. Turǵyndardy jańa qonysymen Qonaev qalasynyń ákimi Nurlan Qumataev quttyqtady.
«Búgin Qazaqstanda Dımash Ahmetulynyń týǵan kúni atalyp ótip jatyr. Osyndaı qýanyshty kúni sizderge páter kiltin tabystaımyz. Shańyraqtaryńyz shattyqqa toly bolsyn. Bul joba oblys ákimdiginiń qoldaýymen júzege asty. Barshańyzdy qýanyshtaryńyzben quttyqtaımyn» - dedi qala ákimi.
Óz kezeginde turǵyndar atynan Kúlásh Kúrimbaeva alǵys aıtty.
«Osydan bes aı buryn 8 otbasynyń úıi órtenip, tótenshe jaǵdaı oryn alǵan edi. Sol sátte biz az ýaqyt ishinde baspanaly bolamyz dep oılamadyq. Qýanyshty jańalyq Dinmuhamed Qonaevtyń ómirge kelgen kúnimen tuspa-tus keldi. Bul da bir jaqsy belgi bolsa kerek. Barlyǵyńyzǵa alǵysymdy bildiremin», - dedi zeınetker áje.
Eske salaıyq, ótken jyly 17 tamyz kúni Almaty oblysy Zarechnyı aýylynda 2 qabatty turǵyn úı órtengen edi. Nátıjesinde tótenshe jaǵdaılardy joıý jónindegi komıssııa úıdi jaramsyz dep tanyǵan.
Qala ákimdigi birden 8 otbasyny baspanamen qamtý úshin úshin sharalar qabyldaǵan. Ol maqsatta bıýdjetten 108 mln teńge bólinip, aýyldan úıler satyp alyndy.
