Almaty oblysynda órtengen jer úıden er adamnyń denesi tabyldy

QONAEV. KAZINFORM — Almaty oblysynda túngi ýaqytta úı órtenip, bir adam qaza tapty.

Almaty oblysy Tótenshe jaǵdaılar departamentiniń málimetinshe, 25 aqpan túngi saǵat 02:49-da Raıymbek aýyldyq okrýgindegi saıajaı qoǵamdastyǵynyń turǵyn úıinde órt shyqqan.

Órt 68 sharshy metr aýmaqty sharpyp, úıdiń tóbesi opyrylyp túsken.

«Saǵat 04:00-de órt oqshaýlanyp, 05:03-te sóndirildi. Barlaý jumystary barysnda úı ıesiniń denesi tabyldy», - delingen Tótenshe jaǵdaılar departamentiniń habarlamasynda.

Mamandardyń aldyn ala baǵalaýy boıynsha, órt elektr toǵynyń qysqa tuıyqtalýynan shyqqan.
Órtti sóndirýge TJD, polıtsııa, jedel járdemniń 20 qyzmetkeri men 6 tehnıkasy jumyldyryldy.