Almaty oblysynda órtengen kólik ishinen máıit tabyldy

QONAEV.KAZINFORM - Almaty oblysynyń polıtsııasy bul derek boıynsha qylmystyq is qozǵady.

Jelidegi málimetke sáıkes, Almaty oblysynda órtengen kólik ishinen adamnyń janyp ketken máıiti tabyldy. Ony ózge er adam balǵamen uryp óltirip, keıin kólikpen birge órtep jibergen. 

Almaty oblysynyń Polıtsııa departamenti kisi óltirý faktisi bolǵanyn rastady.

— Jedel-izdestirý is-sharalary barysynda 43 jastaǵy kúdikti ustalyp, ýaqytsha ustaý ızolıatoryna qamaýǵa alyndy. Qazirgi ýaqytta qylmystyń barlyq mán-jaılary anyqtalyp jatyr, — dep habarlady oblystyq polıtsııa departamentinen.

Eske salaıyq, buǵan deıin Almaty oblysynda aıyptalýshy sot zalynan qashyp ketkenin jazǵanbyz.