Almaty oblysynda órt bolyp, er adam aýrýhanaǵa jetkizildi

ASTANA. KAZINFORM – Almaty qalasy mańyndaǵy Talǵar aýdany Gúldala aýylyndaǵy jer úıden órt shyǵyp, er adam aýrýhanaǵa jetkizildi, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, búgin saǵat 15:22-de Talǵar aýdanynyń Gúldala aýylynda 138 sharshy metr alańda jer úıdiń shatyry jáne bir bólmesi janǵan. Sondaı-aq úıdiń 30 sharshy metr tóbe jabyny qulaǵan.

«Órt saǵat 16:13-te oqshaýlanyp, 17:25-te sóndirildi. Órttiń sebebin anyqtaý úshin Almaty oblysy TJD zertteý synaq órt zerthanasy men anyqtaý bóliminiń qyzmetkerleri joldandy», - delingen habarlamada.

Sondaı-aq onda órt saldarynan er adam aýrýhanaǵa jatqyzylǵany aıtylǵan. Órtti sóndirýge Almaty oblysy TJD 7 qyzmetkeri men 2 tehnıkasy jumyldyryldy.