Almaty oblysynda ormanshy er adamdy atyp jiberdi

QONAEV. KAZINFORM — Almaty oblysy Eńbekshiqazaq aýdanynda ańshy er adamnyń aıaǵynan atyp jiberdi. 

Oblystyq polıtsııa departamenti atalǵan jaǵdaıdy rastady.

— Kúdikti ustalyp, ýaqytsha ustaý ızolıatoryna qamaldy. Densaýlyqqa aýyrlyǵy ortasha qasaqana zııan keltirý faktisi boıynsha sotqa deıingi tergeý amaldary júrgizilip jatyr. Aldyn ala málimetterge sáıkes, janjal taraptar arasynda paıda bolǵan jaǵymsyz qarym-qatynas negizinde týyndaǵan,— dep atap ótti vedomstvodan.

Qazir oqıǵanyń barlyq mán-jaıyn jan-jaqty, tolyq jáne obektıvti zertteý maqsatynda keshendi tergeý áreketteri júrgizilip jatyr.

Buǵan deıin Almaty oblysynda atys bolyp, úsh adam zardap shekken edi.