Almaty oblysynda laı kóshkini júrdi

QONAEV. KAZINFORM – Almaty oblysynda tolassyz jaýǵan jańbyr saldarynan betkeılerde aǵyn sý paıda boldy.

Almaty oblystyq tótenshe jaǵdaılar departamentiniń málimetinshe, Qarǵaly aýylynan joǵary sol jaq shatqaldan 2,4 shaqyrym qashyqtyqta «Uzynqarǵaly» ózeniniń basseıninde jergilikti jerde nóser jańbyrdyń qarqyndy túsýi saldarynan kólbeý aǵyn paıda boldy.

«Ol jergilikti mańyzy bar jol arqyly ótip, «Uzynqarǵaly» ózenine quıyldy. «Qarǵaly aýyly – Uzynqarǵaly bógeti» avtojolynyń ýchaskesinde balshyq massasy tústi, jol tósemi búlinbegen, ótý joly bar», – delingen habarlamada.

Eńis aǵynynyń nátıjesinde Uzynqarǵaly ózeninde shamamen 2-3 bal deńgeıinde sý laılandy. Aýyz sý júıesine laı sýdyń túsýine jol bermeý maqsatynda Qarǵaly aýylyndaǵy abonentterdi Uzynqarǵalydan sý beretin aýyz sýdan ishinara ajyratý týraly sheshim qabyldandy. Aýyldyń qalǵan bóligi aýyz sýdy tereń uńǵymalar sorǵylarynan alady. Joldy tazartý 22 naýryzǵa josparlanǵan.