Almaty oblysynda kún 38 gradýsqa deıin ysıdy

QONAEV. KAZINFORM — Aldaǵy aptada Almaty oblysynda aptap ystyq bolady. Osyǵan baılanysty oblystyq tótenshe jaǵdaılar departamenti óńir turǵyndaryna úndeý joldady.

— 12–17 mamyr aralyǵynda Almaty oblysynda jaýyn-shashyn bolmaıdy. Kúndiz aýa temperatýrasy 25-30°S-tan 33-38°S-qa deıin kóteriledi, — delingen habarlamada.

Osy demalys kúnderi Almaty oblysynyń taýly aýdandarynda qatty jańbyr kútiledi. Óńirdiń batysynda, soltústiginde, ońtústiginde, taýly aýdandarynda naızaǵaı oınap, burshaq jaýady. Soltústik-shyǵystan, shyǵystan jel soǵady, onyń ekpini 15-20 m/s. Oblystyń soltústiginde, ortalyǵynda joǵary órt qaýipi saqtalady.

Sınoptıkterdiń boljaýynsha, 11–17 mamyr aralyǵynda Qazaqstannyń ońtústik jartysynda jáne ortalyǵynda kún qatty ysıdy.

Osyǵan deıin, búgin el aýmaǵynda jel kúsheıip, daýyl soǵatyny týravly jazǵan edik.