Almaty oblysynda qar kóshkini júrip, joldy jaýyp qaldy

ASTANA. KAZINFORM – Eńbekshiqazaq aýdany aýmaǵyndaǵy oblystyq mańyzdaǵy «Túrgen aýyly – Batan shatqaly» avtojolynda qar kóshkini boldy. Bul týraly Almaty oblysy TJD baspasóz qyzmeti habarlady.

— 23 naýryzda saǵat 08:28–de Eńbekshiqazaq aýdany aýmaǵyndaǵy oblystyq mańyzdaǵy «Túrgen aýyly — Batan shatqaly» avtojolynyń 23-24 shaqyrymynda qar jamylǵysynyń turaqsyzdyǵy jáne taýly betkeılerde qardyń kóp jınalýyna baılanysty ózdiginen qar kóshkini júrdi, — delingen oblystyq TJD habarlamasynda.

Qazirgi ýaqytta qar kóshkiniń parametrleri naqtylanyp jatyr.

Oqıǵa saldaryn joıý jáne qaýipsizdikti qamtamasyz etý maqsatynda oqıǵa ornyna «Qazselqorǵaý» MM-nen 1 qyzmetker men 1 tehnıka, sondaı-aq Almaty oblysy TJD-nen 1 qyzmetker men 1 tehnıka jiberildi.

— Azamattardyń ómiri men densaýlyǵynyń qaýipsizdigin qamtamasyz etý jáne tótenshe jaǵdaılardyń aldyn alý maqsatynda Almaty oblysynyń «Jolaýshylar kóligi jáne avtomobıl joldary basqarmasy» sheshimine sáıkes, 2024 jylǵy 15 qarashadan 2025 jylǵy 31 naýryzǵa deıin «Túrgen — Batan — Asy observatorııasy» oblystyq mańyzdaǵy avtojolynyń 15-41 shaqyrym aralyǵy kólik qozǵalysy úshin jabyq. Azamattardy qaýipsizdik sharalaryn saqtaýǵa jáne marshrýttardy josparlaý kezinde osy aqparatty eskerýge shaqyramyz, — delingen habarlamada.

Aıta ketelik Almatyda qar kóshkini saldarynan bir adam qaza taýyp, eki adam jaraqat alǵan edi.