Almaty oblysynda qansha kásipker tirkelgen

ASTANA. KAZINFORM — Búgingi kúnge Almaty oblysynda tirkelgen kásipkerler sany 150 myńnan asty, dep habarlaıdy oblys ákimdiginiń baspasóz qyzmeti.

Jyl basynan beri bızneske 4 myńnan astam konsýltatsııa berildi.

«Bir aýyl – bir ónim» jobasynda 10 fınalıst anyqtaldy, olardyń úsheýi respýblıkalyq kezeńge shyǵyp, 5 mıllıon teńgege deıingi grantqa úmitker bola alady.

Aımaqtyń ınteraktıvti ınvestıtsııalyq kartasynda jalpy quny shamamen 2 trln teńge bolatyn 90 joba iske asyrylyp jatyr. Bul 13 myńnan astam jańa jumys ornyn qurýǵa múmkindik beredi.

Kásipkerlikti qoldaýǵa bıýdjetten 6 mlrd teńgeden astam qarajat bólingen. Bul qarajattar nesıelerdi sýbsıdııalaý, qaryzdar men lızıng boıynsha kepildikter berý, sondaı-aq jastar men áleýmettik kásipkerlikti granttar arqyly qoldaý úshin baǵyttalǵan.

Sońǵy úsh jylda oblystyń ekonomıkasyna salynǵan ınvestıtsııalar 60%-ǵa artty jáne shamamen 2,5 trln teńgege jetti. Aımaqta alty ındýstrıaldy aımaq jumys isteıdi, taǵy toǵyzy qalyptasý satysynda. Jańa jobalar arasynda zaýyttar, fabrıkalar, logıstıkalyq hab jáne balyq sharýashylyǵy kásiporyndary bar. 2026 jyly jalpy somasy 300 mlrd teńgeden asatyn 35 jobany iske asyrý josparlanyp otyr.

Osydan buryn Pavlodarda kásipkerdi bopsalaǵan UQK qyzmetkerine qatysty sotqa deıingi tergeý júrip jatqanyn jazǵanbyz.