Almaty oblysynda er adam tereń shuńqyrǵa qulap ketti

QONAEV. KAZINFORM – Almaty oblysynda er adam tereńdigi 5 metr shuńqyrǵa qulap ketti.QR Tótenshe jaǵdaılar mınıstrliginiń málimetinshe, Almaty oblysy Qarasaı aýdany jeke menshik úı aýmaǵynda 32 jastaǵy er adam tereńdigi 5 metrge jýyq shuńqyrǵa qulap ketti.

«Kómekke respýblıkalyq jedel-qutqarý jasaǵynyń qutqarýshylary shyqty. Qutqarýshylar zardap shegýshini arqan jáne zembildiń kómegimen alyp shyqty»,- delingen habarlamada.

Er adam oqıǵa ornyna kelgen jedel járdem qyzmetkerlerine tapsyryldy.

Buǵan deıin respýblıkalyq jedel-qutqarý jasaǵynyń qutqarýshylary taýda adasyp qalǵan úsh qyzǵa kómektesken bolatyn.

«RJQJ qutqarýshylary ótinish berýshilerden Japonııa jolynyń aýdanyna qaraı geolokatsııa boıynsha shaqyrýǵa shyqty. Úsh qyzdy tapqannan keıin jedel qutqarý toby olarǵa qaýipsiz jerge túsýge kómektesti. Olarǵa medıtsınalyq kómek qajet emes edi», - delingen edi habarlamada.