Almaty oblysynda dánekerleý tsehyndaǵy órt sóndirildi

ASTANA. KAZINFORM - Almaty oblysy TJD kezekshi bólimine Talǵar aýdany Belbulaq aýylynda dánekerleý tsehynyń órtenip jatqany týraly habarlama tústi. 

Oqıǵa ornyna Almaty oblysy TJD kúshteri men quraldary dereý jiberildi.

«Qabyldanǵan sharalardyń arqasynda lak-boıaý ónimderi saqtalǵan qoımanyń barlyq alańyna jáne jaqyn ornalasqan jeke turǵyn úıge ottyń taraýyna jol berilmedi.

Órtti sóndirýge Almaty oblysy TJD 39 qyzmetkeri men 13 tehnıkasy, Almaty qalasy TJD 5 qyzmetkeri men 2 tehnıkasy jumyldyryldy», — dep jazdy vedomstvodan.

Almaty oblysynyń TJD órt qaýipsizdigi erejelerin saqtaýdyń mańyzdylyǵyn eske salady. Qarapaıym erejelerdi saqtaý órttiń qaýpin edáýir azaıtady.