Almaty oblysynda bir úıden 4 adamnyń máıiti tabyldy

QONAEV. KAZINFORM — Almaty oblysyndaǵy sharýashylyq qojalyǵynda bir otbasy qaıtys bolǵan. 

BAQ betterinde taraǵan bul aqparatty Almaty oblysynyń TJD baspasóz qyzmeti rastady.

Departament málimetinshe, 2 aqpanda Raıymbek aýdanynyń ákimdiginen Sarybastaý aýylyndaǵy sharýa qojalyǵynyń qaıǵyly oqıǵa bolǵany týraly aqparat túsken.

— Jeke turǵyn úıden týysy tórt adamnyń denesin tapqan. Oqıǵanyń mán-jaıy anyqtalyp jatyr. Ólim sebepterin anyqtaý maqsatynda sot-medıtsınalyq saraptama taǵaıyndaldy. Oqıǵa ornyna Almaty oblysy Tótenshe jaǵdaılar departamentiniń kúshteri men quraldary, sondaı-aq polıtsııa departamenti men jergilikti atqarýshy organdardyń qyzmetkerleri shyqty, — dep habarlady TJD.

Eske salaıyq, buǵan deıin Atyraý oblysynyń Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketti.

Bıyl 6 qańtarda Atyraý oblysy aýmaǵynan joǵalǵan otbasynyń eki múshesiniń — otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy. 

9 qańtarda Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde belgili boldy.