Almaty oblysynda bóget qurylysynyń merzimin sozǵan merdiger tekseriledi
QONAEV. KAZINFORM – Almaty oblysynda «Qabandy» jáne «Shıbýt» bógetteriniń qurylysy kezinde anyqtalǵan zańbuzýshylyqtarǵa qatysty materıaldar qosymsha saraptamaǵa jiberilip, quqyq qorǵaý organdaryna joldanatyn bolady.
Oblys ákimdiginiń málimetinshe, 2022 jyldan beri salynyp jatqan jáne aýyl sharýashylyǵy taýaryn óndirýshilerdi sýarmaly sýmen qamtamasyz etýge tıis nysandar búginde nebári 73 paıyzǵa ǵana daıyn.
Tekseris barysynda «Qabandy» nysanynda merdiger mekeme qurylysqa jaramsyz sary topyraqty paıdalanǵanyn tirkelgen. Qurylys alańynda nebári úsh adam men eki tehnıka ǵana jumys istegen.
Al «Shıbýt» bógetinde tereńdigi 12 metrden asatyn rezervýardyń aınalasynda qorshaý bolmaǵan, bul qaýipsizdikke qater tóndiredi.
- Monıtorıng barysynda jınalǵan málimetter taldaý júrgizý úshin Memlekettik sáýlet-qurylys baqylaý basqarmasyna joldandy. Saraptama qorytyndysy boıynsha materıaldar resimdelip, ýákiletti organdarǵa joldanady, - dep habarlady ákimdikten.
Eske salaıyq, buǵan deıin Almaty oblysynda qarjy pıramıdalarynan 12 myń adam zardap shekkenin jazǵanbyz.