Almaty oblysynda balany ıt talaǵan oqıǵaǵa qatysty qylmystyq is qozǵaldy

QONAEV. KAZINFORM – Almaty oblysy Qarasaı aýdanynda birneshe ıt balaǵa shabýyl jasaǵan bolatyn. Bas prokýratýra atalǵan fakt boıynsha qylmystyq is qozǵalǵanyn habarlady. 

— Almaty oblysynyń prokýratýrasy Qarasaı aýdanyna qarasty Jalpaqsaı aýylynda jas balaǵa ıtterdiń shabýyl jasaýy faktisi boıynsha polıtsııamen qylmystyq is qozǵalǵanyn habarlaıdy. Aldyn ala málimetterge sáıkes, shabýyl jasaǵan ıtter adamdarǵa ártúrli táýeldilikterden emdeý kómegin kórsetetin jekemenshik ońaltý ortalyǵynyń aýmaǵynda ustalǵan, — delingen habarldamada.

Prokýratýranyń málimetinshe, tergeý aıasynda ońaltý ortalyǵynyń úı janýarlaryn ustaý erejelerin saqtalýyna quqyqtyq baǵa beriletin bolady.

Kináli tulǵalar zań talaptaryna sáıkes qatań jaýapkershilikke tartylady.

Іstiń tergeý barysy prokýratýranyń erekshe baqylaýynda.

Eske sala keteıik, buǵan deıin Almaty oblysy Qarasaı aýdanynda fýtbol alańynda oınap júrgen balaǵa jeke aýmaqtan shyǵyp ketken úsh ıt shabýyl jasaǵanyn jazǵan edik. Balany jaqyn mańdaǵy adamdar qutqaryp qalǵan.