Almaty oblysynda aýdannyń eks-ákimine qatysty tergeý aıaqtaldy
QONAEV. KAZINFORM — Almaty oblysy Іle aýdanynyń burynǵy ákimi Baǵdad Qarasaevqa qatysty tergeý aıaqtalyp, qylmystyq is aýdandyq sotqa jiberildi.
Bul týraly Kazinform agenttiginiń saýalhatyna jaýap bergen Almaty oblysynyń prokýratýrasy habarlady.
— QR Sybaılas jemqorlyqqa qarsy is-qımyl agenttiginiń Almaty oblysy boıynsha departamenti B.Á. Qarasaevqa qatysty jáne QR Qylmystyq kodeksiniń 189, 190, 324, 361, 362, 364, 369 baptary boıynsha basqa da adamdarǵa qatysty sotqa deıingi tergeýdi aıaqtaǵanyn habarlaımyz. 2025 jyldyń 31 naýryzynda qylmystyq is QR Qylmystyq is júrgizý kodeksiniń 305-babynyń tártibimen máni boıynsha qaraý úshin Almaty oblysy Іle aýdandyq sotyna joldandy, — delingen oblystyq prokýratýranyń resmı jaýabynda.
Aıta ketken jón, 2018 jyldyń qyrkúıeginen bastap 2024 jylǵa deıin Baǵdat Qarasaev Іle aýdanynyń ákimi qyzmetin atqarǵan. Bul qyzmetine deıin 2015-2018 jyldary Taldyqorǵan qalasynyń ákimi bolǵan. Odan Alakól aýdanynyń ákimi bolyp jumys istegen, sondaı-aq birneshe jeke kompanııalardy basqarǵan.
2024 jyly qyrkúıek aıynda Sybaılas jemqorlyqqa qarsy is-qımyl agenttigi Almaty oblysy Іle aýdany ákimi ustalǵanyn málimdedi.
Keıin Almaty oblysynyń prokýratýrasy Іle aýdanynyń ákimi Baǵdat Qarasaevtyń ustalýyna qatysty túsinik berdi.
Antıkor Іle aýdanynyń ákimi memleketti 204 mln teńge shyǵynǵa batyrǵanyn habarlady.
2024 jyly qarasha aıynda Almaty oblysy Іle aýdanynyń jańa ákimi bolyp Qaıyrjan Jaqsymbetov taǵaıyndaldy.