Almaty oblysynda alma baq satylymǵa shyqty
QONAEV. KAZINFORM – Aýyl sharýashylyǵy mınıstrligine qaraıtyn agrofırma Qonaevtaǵy alma baqty satylymǵa shyǵardy. Onyń bastapqy quny - 10 mlrd teńge.

Alma baǵyn satý týraly habarlandyrý e-qazyna saıtynda jarııalandy. Aýktsıonnyń bastapqy baǵasy – 10 068 167 076 teńge, eń tómengi baǵasy – 3 356 055 692 teńge.
Baq «NurAgro» JShS-ǵa tıesili. Óz kezeginde «NurAgro» JShS-niń quryltaıshysy – Aýyl sharýashylyq mınıstrligine qaraıtyn «Azyq-túlik kelisimshart korporatsııasy» ulttyq kompanııasy.
Ornalastyrylǵan aqparatqa sáıkes, alma baǵymen birge aýyl sharýashylyq tehnıkalary, kókónis saqtaıtyn qoımalar, ǵımarat, jer ýchaskeleri satylady. Jalpy aýmaǵy – 1 460 ga.
Aýktsıon 28 qańtardan bastalady.
Eske salaıyq, 2019 jyly Qazaqstan Prezıdenti Qasym-Jomart Toqaev Іle Alataýynyń bókterinde alma baqtaryn saqtaý máselesin erekshe baqylaýǵa alýdy tapsyrǵan bolatyn.
Sondaı-aq Prezıdent tapsyrmasy boıynsha Qazaqstanda ulttyq brend — aportty qaıta jańǵyrtý sharalary qabyldanyp jatyr.