Almaty oblysynda alǵashqy donorlyq operatsııa jasaldy

QONAEV. KAZINFORM – Almaty kópsalaly klınıkalyq aýrýhanasynda alǵashqy donorlyq operatsııa sátti jasaldy.

Donor Almaty kópsalaly klınıkalyq aýrýhanasynda qaıtys bolǵan. Aǵzany alý sharalary atalǵan medıtsınalyq mekemede jasaldy.

– Klınıka mamandary bas mıynyń ólimi dıagnozy anyqtalǵan 46 jasar er azamatqa donorlyq protsess uıymdastyrdy. Operatsııa týystary marqumnyń aǵzasyn alýǵa kelisim bergenen keıin júzege asyryldy. Operatsııa kezinde eki búırek, júrek, ókpe jáne eki kózdiń qabyǵy alyndy,– dep habarlady klınıkanyń baspasóz qyzmeti.

Almaty oblysy Densaýlyq saqtaý basqarmasynyń basshysy Almat Turysbekulynyń aıtýynsha, bul operatsııa Qazaqstan transplantologııa salasyndaǵy mańyzdy oqıǵa boldy.

– Donor bolý-jańa ómirge múmkindik berý. Qazir transplantatsııaǵa muqtaj adamdardyń sany artyp keledi. Donor bolýǵa bel býǵan adamdar ómirdi saqtap qalýǵa kómektesedi jáne oǵan muqtaj jandarǵa úmit beredi , – deıdi basqarma basshysy.

Osyǵan deıin Almatyda qaıtys bolǵan áıel 4 adamǵa donor bolǵany týraly jazǵan edik.