Almaty oblysynda álemde sırek kezdesetin jándik tabyldy

QONAEV. KAZINFORM – Qazaqstandyq ǵalym Sharyn memlekettik ulttyq tabıǵı saıabaǵy aýmaǵynan sırek kezdesetin túngi kóbelekti tapty.

Scoliopteryx aksuana – álemde sırek kezdesetin túngi kóbelektiń fotosyn QR Zoologııa ınstıtýtynyń entomologııa zerthanasynyń aǵa ǵylymı qyzmetkeri Sergeı Tıtov túsirip aldy.

«Sýret Sharyn memlekettik ulttyq tabıǵı saıabaǵyndaǵy Eren saıajaıy tabıǵı eskertkishiniń aýmaǵynda túsirilgen. Bul sırek kezdesetin túngi kóbelek Qazaqstan, Mońǵolııa jáne Qytaı shekarasynda shaǵyn taýly-dalalyq aýmaqta taralǵan», - dep habarlady Zoologııa ınstıtýtynan. 

Osyǵan deıin qazaqstandyq ǵalymdar «taspashóptiń» jańa túrin tapqan bolatyn. Otandyq ǵylymǵa qosylǵan bul eleýli úles Qazaqstannyń bıoalýantúrliligin tolyqtyrýǵa yqpal etpek. 

Sondaı-aq 70 jylda alǵash ret Inder taýlarynyń gerpetofaýnasynyń tizimi taǵy bir túrmen – sý jylanymen tolyqtyryldy. Ol Inder kóliniń soltústik-batys bóligindegi sýǵa toly karst oıpatynan tabyldy.