Almaty oblysynda Alatau Hub ashyldy
QONAEV. KAZINFORM - Almaty oblysynda IT-ındýstrııany damytýdyń jańa kezeńi óńirlik Alatau Hub ashý. Bul týraly QR tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Alataý qalasynyń turǵyndarymen kezdesý barysynda málimdedi.
Mınıstrdiń aıtýynsha, Astana Hub bilim berý jáne ınkýbatsııalyq baǵdarlamalaryn taratatyn bolady. Jaqyn arada habta oıyn ázirleý jáne dızaın negizderi boıynsha bilim berý kýrstaryn ótkizý josparda.
Sondaı-aq kompıýterlik saýattylyq, tsıfrlyq marketıng jáne elektrondyq kommertsııa boıynsha arnaıy kýrstardyń birlesken baǵdarlamasyn iske qosý kózdelgen.
Osy rette «Azamattarǵa arnalǵan úkimet» memlekettik korporatsııasy» KEAQ basqarma tóraǵasy Arman Kenjeǵalıev jańa qala turǵyndaryna memlekettik qyzmet kórsetý salasy men korporatsııanyń qyzmeti týraly aıtyp berdi.
Qazir Almaty oblysynda 11 HQKO jumys isteıdi, onyń ishinde 1 arnaıy HQKO, 42 ózine-ózi qyzmet kórsetý sektory jáne 32 Memlekettik korporatsııanyń BEK-ofısi bar. Aıta keteıik, 2023 jyly «Azamattarǵa arnalǵan úkimet» fılıalynyń qyzmetkerleri 798 myńnan astam memlekettik qyzmet kórsetse, aǵymdaǵy jyldyń 4 aıynda 295 myńǵa jýyq memlekettik qyzmet kórsetken.
«Búgingi tańda Alataý qalasy halqynyń qajettilikterin Qazposhta bólimshesi ishinara jabady, onda 27 qyzmet túri kórsetiledi. Halyqqa qolaıly jaǵdaı jasaý maqsatynda ákimdikpen birlesip Alataý qalasynda HQKO bólimshesin ashý máselesi pysyqtaldy, onda azamattar memlekettik qyzmetterdiń barlyq túrlerin ala alady», — dedi Arman Kenjeǵalıev.
Sonymen qatar, kezdesýde telekommýnıkatsııa komıtetiniń tóraǵasy Erjan Meıramov uıaly baılanys pen ınternetti damytý josparlarymen bólisti. Almaty oblysynda 384 eldi meken bar, onyń ishinde 319 aýyl 4G-ge qosylǵan.
«Mınıstrlik Almaty oblysynyń ákimdigimen jáne uıaly baılanys operatorlarymen birlesip 2023-2027 jyldarǵa arnalǵan baılanys jáne mobıldi ınternet sapasyn jaqsartý boıynsha Jol kartasyn ázirlep, qol qoıdy. Sondaı — aq, shekaralas 52 aýylda uıaly baılanys pen Internettiń sapasyn jaqsartýǵa nıetti», — dep atap ótti Erjan Meıramov.
