Almaty oblysynda 600 myń gektar jer paıdalanylmaı otyrǵany anyqtaldy

Almaty oblysynda 180 myń gektardan astam jer memleket menshigine qaıtaryldy. Bul týraly jıyn barysynda oblystyq jer qatynastary basqarmasynyń basshysy Amanjol Abdrahmanov málim etti, dep habarlaıdy Kazinform.

106 myń gektardan astam jerdi ıeleri óz erkimen memleket menshigine ótkizgen, qalǵan 74 myń gektar sot sheshimimen jalǵa berý sharttary zańsyz dep tanyldy.

Óz kezeginde oblys ákiminiń orynbasary Almas Batanov qazirgi tańda buryn jalǵa alynǵan paıdalanylmaı jatqan jer telimderin qaıtarý sharalary júrgizilip jatqanyn tilge tıek etti.
Onyń sózinshe, qazirgi tańda jalpy aýdany 120,5 myń gektar bolatyn 227 jer ýchaskesi boıynsha talap aryzdar sotta qaralýda.

Jyl basynan beri oblys aýmaǵynda jalpy aýdany 600 myń gektarǵa jýyq jer anyqtaldy.