Almaty oblysynda 225 sheteldik tegin emdeldi

QONAEV. KAZINFORM – Byltyr Almaty kópsalaly klınıkalyq aýrýhanasyna Túrkııa, Úndistan, Pákistan, Qytaı jáne Amerıka azamattary júgingen.

Almaty kópsalaly klınıkalyq aýrýhanasynan málim etkendeı, 2024 jyly 225 sheteldik azamat tegin medıtsınalyq kómektiń kepildik berilgen kólemi sheńberinde em alǵan.

Naýqastardyń arasynda Túrkııa,Úndistan, Pákistan, Qytaı jáne Amerıka azamattary boldy. Olardyń barlyǵy dárigerlerdiń kásibıligi men qyzmet kórsetýdiń joǵary deńgeıde ekenin aıtqan. Mysaly, Túrkııadan kelgen patsıenttiń júregine joǵary tehnologııalyq ádispen ota jasaldy.

– Úndistannan kelgen júkti áıelge (36 apta) dárigerler shuǵyl túrde kesar tiligi operatsııasyn jasap, náresteni SIPAP apparatynyń kómegimen aman alyp qaldy. Pákistan men Qytaıdan kelgen patsıentter bizde kórsetiletin medıtsınalyq kómekti qoljetimdi ári sapaly ekenin alǵa tartty, - dep atap ótti Almaty kópsalaly klınıkalyq aýrýhanasynan.

Osyǵan deıin Densaýlyq saqtaý mınıstri Aqmaral Álnazarova medıtsınalyq saqtandyrýǵa qatysty jańa zańnamada qandaı ózgerister bolatynyn aıtyp bergen edi. 

Sondaı-aq Prezıdent Qasym-Jomart Toqaev mindetti áleýmettik medıtsınalyq saqtandyrý júıesin reformalaýdy jalǵastyrý keregin aıtqan bolatyn.