Almaty oblysynda 1 mln 138 myń turǵyn MÁMS júıesine tirkelgen
ALMATY. KAZINFORM – Óńirlik kommýnıkatsııalar qyzmetiniń alańynda «Áleýmettik medıtsınalyq saqtandyrý qory» KEAQ Almaty oblysy boıynsha fılıalynyń dırektory Tileýhan Ábildaevtiń qatysýymen baspasóz máslıhaty ótti.
Onyń aıtýynsha, qazirgi tańda Almaty oblysynda bir jarym mıllıonnan astam adam turady jáne 1 mln 138 myńnan astamy «saqtandyrylǵan» mártebesine ıe. Onyń ishinde «Altyn alqa», «Kúmis alqa» ıegerlerimen, zeınet jasyndaǵy adamdar jáne múmkindigi shekteýli jandar úshin memleket tarapynan jarna tólenedi.
Jalpy alǵanda Almaty oblysynda «saqtandyrylǵan» mártebesine ıe turǵyndardyń 70 paıyzyna jarna memleketten tólenip otyr. Degenmen, Tileýhan Ábildaev óńirde 401 841 adam áli kúnge MÁMS júıesine qosylmaǵanyn atap ótti.
Sondaı-aq onyń aıtýynsha, oblysta 71 medıtsınalyq mekeme arnaıy qordan qarjylandyrylady. Búginge deıin 52 emhanaǵa 1 897,9 mln. teńge tólengen.
«Jyl basynan beri qarjylandyrý kólemi, onyń ishinde ambýlatorııalyq dári-dárekpen qamtamasyz etýdi qosqanda 49 275,8 mln teńge boldy. Aqpan aıyndaǵy tólemdi 2024 jyldyń 28 maýsymyna deıin aıaqtaý josparlanyp otyr», - dedi «Áleýmettik medıtsınalyq saqtandyrý qory» KEAQ Almaty oblysy boıynsha fılıalynyń dırektory Tileýhan Ábildaev.
