Almaty oblysy taýlarynda qar kóshkini qaýpi seıilgen joq

QONAEV. KAZINFORM – Almaty oblysynyń taýlarynda 15 – 18 sáýir kúnderi qar kóshkini júrý qaýpi saqtalady.

Qar kóshkini qaýpine baılanysty Almaty oblysynyń tótenshe jaǵdaılar departamenti azamattardan, týrıster men demalýshylardan qarly betkeıge shyqpaýdy surap, taýly jerde búkil qaýipsizdik sharalaryn saqtaýǵa shaqyrdy.

«Almaty oblysynyń aýmaǵynda Іle Alataýy taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda kóshkin qaýpi bar 55 ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qardyń mol túsýine baılanysty bolady», - dep eskertti Almaty oblysynyń tótenshe jaǵdaılar departamenti.

Sınoptıkterdiń boljaýynsha óńirde aýa temperatýrasy +18 gradýsqa deıin kún jylynady.