Almaty oblysy ákimdiginiń eki basqarma basshysy jazalandy
QONAEV. KAZINFORM - Almaty oblysy ákimdigine qarasty eki basqarmanyń basshysy kásipkerlik qyzmetke zańsyz aralasqany úshin ákimshilik jaýaptylyqqa tartyldy.
Prokýratýradan málim etkendeı, Almaty oblysynyń ákimdigi 15 mlrd teńgege joldy kúrdeli jóndeý boıynsha konkýrsta jeńimpazdyń bolýyna qaramastan, satyp alýdan zańsyz bas tartyp, jańa jeńimpazdy anyqtaý úshin konkýrs jarııalaǵan.
«Bul kásipkerdiń quqyqtaryna nuqsan keltirdi. Qadaǵalaý aktisimen konkýrs toqtatyldy jáne ákimdikke konkýrs jeńimpazymen shart jasasý usynyldy.Osyndaı sheshimdi sot kásipkerdiń talaby boıynsha qabyldady»,- dep atap ótti vedomstvodan.
Alaıda ákimdik sot sheshimi men prokýratýranyń qadaǵalaý sharalaryna qaramastan konkýrs jarııalaǵan.
«Kásipkerlik qyzmetke zańsyz aralasqany jáne prokýrordyń usynýy boıynsha sharalar qoldanbaǵany úshin oblys ákimdiginiń eki basqarma basshysy QR ÁQBtK-niń 173 jáne 664-baptary boıynsha ákimshilik jaýapkershilikke tartyldy», - dep habarlady Almaty oblystyq prokýratýrasynan.
